تصدر الشحات مبروك، نجم كمال الأجسام، مؤشرات بحث جوجل خلال الساعات الماضية بعدما حل ضيفًا على برنامج "كلام الناس"، مع الإعلامية ياسمين عز، أمس الخميس، على فضائة "إم بي سي مصر".
  وإليك أبرز تصريحات الشحات مبروك في "كلام الناس".. أنا وعمرو دياب لا نكبر مع الزمان لان أنا مش مهتم الناس تقول عني إيه ولكن أنا بهتم بالحقيقة والمضمون، وليس الشكل فالانسان يجب أن يهتم بالرياضة لأنها شىء مهم جدا في حياة البشر رجال ونساء، وينبع منها صفاء النفس وصحة العقل والبدن والتصرفات مع الناس وطوله البال والصبر ده ممكن ينعكس على الشكل في العمر والشكل في الجسم وهذا تصالح مع النفس.
أنا مش جاى أنصح حد لكن أنا بعمل كده وحابب كده، وكل واحد يعمل اللى هو عايزه والحاجة اللى بيحبها طالما لا يوجد بها أذى للآخر.
محمد إمام ابن الزعيم محترم ومتربي وأول مرة أشوفه كان في فيلم "عمهم"، ودوري مش كبير لكن عجبني جداً وأول مرة أقف قدام الكاميرا سعيد في فيلم عمهم.
قابلت رامي إمام في مسلسل "عوالم خفية" مع الزعيم عادل إمام، وهو اللي رشحني أعمل دور كضيف شرف.
بيج رامي حقق إنجازاً بفوزه ببطولة مستر أولمبيا مرتين على التوالي وعنده موهبة عالمية.
زمان استبعدوني من بطولة العالم بسبب تعاطي المنشطات.
بطولة مستر أولمبيا منافسة شرسة وتخضع خلالها لتحليل الهرمونات، لذلك رامي هيعمل إيه مقدموش حل تاني.
قررت إني أطلع الأول في بطولة العالم وكنت مستعد أموت لكن زوجتي متحاسبنيش لو خسرت في بطولة العالم، ودخلت الساونا 5 ساعات عشان أخس 8 كيلو.
كنت أخرج بين الحين والآخر لأضع الثلج على رأسي، وأشرب القليل من الماء، 3 ملل، وأدخل مرة أخرى، إلى أن تخلصت من كل الماء في جسمي.
قدمت 21 فيلما لا أحب منهم سوى 4 فقط أولهم المرشد، دائرة الانتقام، الشجعان وأمريكا شيكا بيكا.
اتاخدت في سكة ماليش فيها ذنب، أنا رياضي بطل كمال أجسام دخلت السينما من أوسع الأبواب في فيلم المرشد، وكان اسمي مبروك في الفيلم، اسمي الحقيقي.
لم أكن على دراية بكواليس صناعة السينما مثلما أصبح الآن، ضحكت على نفسي ورحت الأفلام اللي أنا مش راضي عنها، قليلة التكلفة فصناع الفيلم بيبقوا أقل في الجودة، فكنت بطلع شكلي عبيط، وأنا فرحان أني بمثل.
لم أكن مدركا أنني أصنع أفلام سيئة لو فاهم كنت هبطل أحسن، مش هستنى حاجة كويسة، ومش هقول استغلوني، أنا اللي استغليت نفسي وضحكت على نفسي وضريت نفسي.
تعرضت للنصب من قبل المنتجين للمشاركة في أعمال قليلة التكلفة والجودة.