تصدرت الإعلامية سالي عبد السلام مؤشرات بحث جوجل خلال الساعات الماضية، وذلك بعد تعرضها لواقعة تحرش، وقيامها بتوثيقها بالفيديو.

سالي عبد السلام
ونشرت سالي عبد السلام فيديو الواقعة عبر حسابها في إنستجرام، وعلقت عليه قائلة: "ده واحد وأنا قاعدة من شوية فى العربية ومنزلتش حتى بشرب كوفى انا و ريم صاحبتى فى البنزينة اللى جمب بيتى جه يستظرف "معاكى شاحن؟؟" رديت بكل أدب لا، وداخل بدماغه يشوف! بعدها انتى متضايقة ليه!!؟، قولتله حاجة متخصكش واتفضل امشى ".
وتابعت: "لا متكلمنيش كده، قولتله اتفضل من هنا، مفيش، ولسه هيقل أدبه ويستظرف تانى صورته فيديو ، لما الناس اتلمت بيقولهم كنت بطلب شاحن! الرجالة بقيت بتقوله هو معلش، السؤال هل هو العادى إن إى حد ممكن يكلم بنات و يستظرف و يدخل جوا العربية و عايزنا نسكت؟! ليه!؟ إحنا حصلنا ايه؟! السؤال بقى هو مين ده؟ وهل ده عادى؟ فى بنات هتقبل ده عادى! مجتمعنا شايف إنه عادى؟ ولما أقوله امشى ميمشيش".

كارولين عزمي
وفي يناير الماضي، كشفت الفنانة كارولين عزمي تعرضها للتحرش داخل سيارتها، ونشرت مقطعين فيديو من الحادث عبر حسابها الشخصي على موقع التواصل الاجتماعي "انستجرام"، وعلقت قائلة: "مساء الخير، أنا اللي يعرفنى أو متابعنى عارف أني شخص مالوش فى المشاكل، ولا عمري شاركت مشكله تخصنى سوشيال ميديا، النهاردة كنت فى عربيتي وجنبي عربية فيها واحد كسر عليا كل اللي عملته إنى بصيت له وبصيت قدامي، فلقيته بيكرر نفس الحركة تانى باستظراف، روحت طلعت الموبايل وعملت نفسي بصور عشان اخوفه واخليه يبطل يضايقنى، اتفاجأت وهو بيقول لى بتصوريني يا بنت لفظ خادش".
وتابعت: "ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم، وبدأ يقول لي تعالي ورايا، والحقيقة إني مش عارفة أروح وراه فين أو كان عايز يعمل ايه، ولأني اتوترت وخفت ساعتها ما قدرتش اصور 1% من اللي عمله الشخص دا".
وأضافت: "أنا اتشمت واتهنت واتشمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقي لمجرد إنه شخص مريض!، أكيد الشخص دا أذى بنات كتير لإنه تقريبا متعود على الحركات دى، ومتعود يخوفهم ومش همه حتى إنه يتصور ويتفضح، أنا عايزة حقي يرجع لي".

ابنة نشوى مصطفى
وكشفت الفنانة نشوى مصطفى، في أكتوبر الماضي، تعرض ابنتها لواقعة تحرش أثناء السير بسيارتها على كوبري في اتجاه الهرم- المنصورية.
ونشرت نشوى مصطفى، عبر حسابها على «فيسبوك»، صورة لواقعة التحرش وعلقت على الفيديو قائلة: "النهارده بنتي اتعرضت للتحرش من العربية دي وفضلوا يزنقوا عليها واترهبت وهى سايقة على كوبرى ناحية الهرم المنصورية، كلمتنى وهي مفزوعة، قلت لها حاولي تصوريهم.. الحمد لله ربنا ستر وبنتي موقعتش من على الكوبري وهي مرعوبة من حجم العربية اللوري اللي بترهبها.. حسبى الله ونعم الوكيل فيهم".