تداول فيديو عبر السوشيال ميديا لرجل يضرب زوجته بطريقة وحشية  وتعنف واضح   مما أثار غضب  رواد مواقع التواصل الاجتماعي ليشنوا هجوما عليه من خلال تفعيل  هاشتاج انقذوا ماري مجدي .

 

وجاءت التعليقات عبر الفيس بوك كالتالي:"  ده شروع في قتل لزم ينحبس حسبنا الله ونعم الوكيل فيه ، دا يتحاكم وقتي وياخد حكم نهائي دا شروع ف قتل مع سبق الاصرار لغة جسده كلها انتقام وكأنه بيقولها لازم تموتي  تصرفات كلها دافع انه ينهي حياتها ، حسبى الله ونعم الوكيل .

 

وأضاف آخر الفيديو محزن ازاي حد يجيله قلب يضرب إنسان كدا ودي مش بس إنسان عادي دي كمان مراته اتمنى يتجاب #انقذوا_ماري_مجدي".

 

وعبر آخر: “الفيديو بشع جدا ما انصحش حد يشوفه، بس ميزة الكاميرات انها بقت بتكشف إيه اللي بيحصل بالظبط، مش عارفة الست دي وآلاف غيرها حل اللي هما فيه ده إيه لازم حل #انقذوا_ماري_مجدي”.

 

يذكر أن استغاثت المواطنة ماري مجدى ونيس بالنائب العام والمواطنين عبر صفحتها الشخصية على موقع التواصل الاجتماعي فيسبوك بعد تعرضها للضرب والإهانة من زوجها.

ونشرت فيديو سجل واقعة الضرب من كاميرات الخاصة بالعقار السكني، وكتبت: "أنا اتعرضت للضرب والإهانة كذا مرة وبلغت الشرطة لأن مفيش أي جديد والمرة دي كنت متهددة بالسلاح انا وبناتي"

 

وأكملت:" لكن ربنا سترها والسكينة مدخلتش في جنبي ،حقي أنا وعيالي لازم يرجع وهو لازم يتحاسب، استغاثة للنائب العام، حقي وحق عيالي لازم يرجع".