أكد الرئيس عبدالفتاح السيسي أن شهداء الوطن قدموا أرواحهم ودمائهم والمصابين اللى قدموا جزء من أجسادهم حتى تبقى مصر في أمن وسلام .
 
وتابع السيسي خلال كلمته ضمن فعاليات الندوة التثقيفية الـ 35 للقوات المسلحة بمناسبة الاحتفال بيوم الشهيد، اليوم الأربعاء، أنه :"علشان تفضل مصر هي مصر.. العهد مننا زى ما هما حرصوا أنها مش تضيع.. احنا كمان نحرص على أنها تفضل موجودة.. مش موجود بس كده.. لا.. موجودة بما يليق بدم وروح كل شهيد"
 
 
وتابع أنه :"لما بدأت المعركة مع الإرهاب في 2013 و2014 ولغاية شهور قليلة مضت.. كانت كل الناس بتقول الموضوع ده هيفضل كده على طول.. الكابوس ده هياخدنا وياخد ولادنا.. الشر لا يمكن أن ينتصر على أهل الخير.. مهما كان بشاعة وقسوة وغباء وجهل تصرفهم وعدوانهم.. لا يمكن أن تنجح.. الخير في النهاية هينجح"
 
 
وواصل السيسي :"كنا بنقول يا ترى نحاربهم والبلد تستنى كده.. ولا نحاربهم والبلد نبنيها كده.. القرار الحرب والبناء.. والشغل واحنا بنقاتل.. ومحدش كتير بيعمل كده.. وده كان من فضل ربنا علينا".
​​