دشن رواد موقع التدوين "تويتر" هاشتاج "أوقفوا ياسمين عز" بعد تعليقها على واقعة عروس الإسماعيلية التي تعرضت للاعتداء من عريسها، حيث أنهال عليها باللكمات بعد خروجها من مركز التجميل وقبل حفل الزفاف، وانتهاء الواقعة بالصلح.
وجاء الهاشتاج ضمن قائمة الاكثر تداولًا على تويتر، حيث شارك فيه عدد كبير من المغردين الذين طالبوا بوقف الإعلامية ياسمين عز.

وكتب أحد المغردين: "ده جزء من كلام "المذيعة" ياسمين عز تعليقًا على عروسة إلاسماعيلية في برنامجها على قناة MBC مصر..ياسمين مش بس بتطبع العنف، دي كمان شايفه أن الضحية لازم تسكت وتستحمل عشان تبقى "أصيلة"، الخطاب ده مش مفروض يبقى في التلفزيون، العنف مفيهوش وجهات نظر؛ كفاية عك!".

وتابعت أخرى: "مفيش أسوأ من ست ذكورية، التطبيع مع العنف مش رأي ولا وجهة نظر تتقال على التلفزيون، لما يبقى ١ من كل ٣ ستات بتتعرض للعنف وكل يوم بنشوف بنت مضروبة ومشوهة أو مقتولة فبدل ما نشجعهم يطلبوا المساعدة لا ياحبيبتي احتويه ده سيدك وتاج راسك".

وأضافت ثالثة: "استاذه ياسمين فشلتي تكوني مذيعه وفشلتي تكوني انسانه، اللي يحرض على العنف يبقى شريك ف الجريمه، اوقفوا ياسمين عز".

واستكمل آخر: "بتمثل مستوى ثقافي متدني جدا و غير مهني بيعتبر العنف وجهة نظر في ٢٠٢٢،اوقفوا ياسمين عز".