كشف  الرئيس عبدالفتاح السيسي، سبب  غلاء أسعار الكهرباء، معقبا : ليس من أجل الغلاء بل لأن هناك أشياء أخرى خاصة بتكلفة الخدمة مثل جودة التحصيل وحجم الفاقد".
 
 
 
 
 
وقال  "السيسي" خلال كلمته في افتتح مجمع بنبان بأسوان، اليوم الإثنين،  إن  أعباء هذه المشاريع ضخمة جدا، مستطردا :"لما كنت بتكلم مع الناس، كانوا بيقولوا إيه، الكهرباء غالية علينا.. هي غالية مش عشان إحنا عايزين نغليها عليكم".
 
 
 
وتابع: "الدكتور  محمد شاكر وزير الكهرباء  متكلمش في دي خالص، متكلمش في جودة التحصيل وحجم الفاقد، وده أمر بالنسبة لي دايما أقول حوكمة إجراءاتنا، يعني اللي إحنا بنعمله ده المستهدف منه بنحصله ولا لأ، لو بنحصله يبقى إحنا ناجحين ولو مش بنحصله هيبقى فيه عجز مين هيتحمله؟.. الدولة، والدولة لا تستطيع أن تتحمل لأن الأعباء بتاعة المشاريع دي أعباء ضخمة جدا جدا"
 
 
 
ويتفقد الرئيس السيسي، صباح اليوم مجمع بنبان للطاقة الشمسية بمحافظة أسوان، كما يفتتح عددًا من المشروعات التابعة لقطاع الكهرباء بمحافظات الصعيد. وقال المتحدث الرسمي باسم رئاسة الجمهورية، إن مجمع بنبان للطاقة الشمسية هو أضخم محطة لتوليد الكهرباء من الطاقة الشمسية على مستوى العالم، والذي تم إنشاؤه بالشراكة مع القطاع الخاص والخبرات الدولية المتخصصة، كما يعد أحد أهم مشاريع البنية التحتية في مصر لتوليد الكهرباء من الطاقة الجديدة والمتجددة.