حرص الرئيس على توجيه الشكر للحكومة على دورها .
 
وقال السيسي خلال كلمته في افتتاح عدد من المشاريع التنموية بالصعيد، اليوم الأربعاء، أنه :"لما بشكر الحكومة.. أصل فى الجلسات بتاعتنا بيتألموا منى غصب عنى.. زى ما قولتلكم أنا مش بشوف اللى مش بيخلص.. معرفشى العمر يدينى ولا إيه.. عاوز أخلص كله.. حبى للناس وعاوز أفضل خدام لله والناس لحد لما أمشى.. ربنا يوفقنا".
 
 
وتابع :"عندى مشاريع تشغل الناس فى 4500 شركة أفضل من كده فى الزراعة.. هل ده العائد بتاعه زى ما يكون الصناعة والاتصالات لكن هتاخد أكثر ومرحلة نشتغل عليها.. تحياتى لكل للى اشتغل وادى ويؤدى".
 
وتحدث السيسي عن تطوير الطريق الدائرى، قائلا: "زى ما بنعوض أصحاب الأراضى الزراعية بنعوض المناطق السكنية.. دخلنا الطريق الدائرى وفيه 2100 عمارة اتشالوا.. ما يطلع من شقته بياخد التعويض المناسب.. حد يقوله سيبها.. طب ازاى وحجم النمو المطلوب للحركة يحتاج ده.. ولو فيه تنمية واستثمارات.. بس مش على حساب الناس.. لا.. دول أهلنا".
 
وواصل السيسي :"خلال السنوات الماضية الناس كانت سابقة الدولة ولما سابقت عملت اللى عايزه أو اللى  الظروف اضطرتها تعمله.. ومش قولنا الناس تشيل ثمن الإصلاح.. الدولة تشيل ثمن الإصلاح.. ده أمر حريصين عليه".