أثار ظهور المطربة شيرين عبدالوهاب في حفلها الأخير حليقة الشعر تماماً الكثير من الجدل خاصة حين طالبت جمهورها بتقبلها مثلما هي وبالشكل الجديد، مما جعل الكثير من متابعيها يحاولون معرفة أسباب فعلها وربطوا بين مظهرها وبين انفصالها رسميا عن المطرب حسام حبيب.
 
 
 
وقدمت الإعلامية بسمة وهبة، الفنانة شيرين عبدالوهاب بإعادة النظر في علاقتها بطليقها الفنان حسام حبيب، معقبة :" أنا بتكلم مع شيرين كصديقة مش إعلامية ".
 
 
 
 
 
وقالت "وهبة" خلال تقديمها برنامج "90 دقيقة" المذاع عبر فضائية " المحور"، اليوم الأحد، أنه :"ما سأقوله محاولة إنقاذ إنسانية لشيرين وحسام حبيب، أقول لشيرين كلمتين محدش هيقولهملك غيري،  شيرين أوفر دوس حزن وزعل وجرح وتدخل ناس في حياتها وكل ده عملها ضغط جامد جدا ويبقى السؤال هنا مين فينا ممرش بده؟!".
 
 
 
وتابعت أن الفرق :"إننا مقفول علينا بيتنا ومحدش يعرف حاجة وذنب اللي حصل مع شيرين وحسام حبيب إنهم من المشاهير، ياما بيوت اتخربت من التسرع وتدخل الآخرين في حياتهم وعند أول مشكلة حصلت استسلم لها الزوجان".
 
 
 
وأشارت وهبة إلى  :"مين مننا زوج أو زوجة مش بيتخانقوا مع بعض بدل المرة 10 و500، الستات ممكن تتعصب وتطلب الانفصال وده ممكن يحصل مع أي ست، ومين مقالتش لجوزها أنا مش طايقاك ومش عاوزاك، دي مبقتش عيشة، لما الحلة المياه بتفور فيها بيخرج كل حاجة".
 
 
 
وواصلت  :"شيرين اعترفت بأنها تعبانة نفسيا وممكن تكون بتروح لطبيب نفسي وتحصل على علاج وهذا لا يعني أنها مش مجنونة،، ولما تكون تحت هذا الضغط والتأثير وتحصل على علاج وتحصل على دواء وتتحدث بقلبها ومشاعرها الخفية وعقلها الباطن، وبالتالي كل واحد المفروض يكون في حد قريب منه يفضفض معاه بس يكون معاه لأن تأثيره عليه يخليه يقول كلام يرجع يندم عليه".