رفضت  الفنانة وفاء مكي، خلال تصريحاتها ببرنامج "نص الكلام" ، المذاع عبر فضائية " النهار"،التحدث عن أسباب سجنها.
 
وقالت " مش عايزة اتكلم في الموضوع ده لأنها حاجة عدى عليها 20 سنة "، لافتة إلى أن موضوع دخولها للسجن لن يفيد أي شخص، معقبة :" تجربتي تفيد غيري أو متفيدش غيري كل واحد أدرى بنفسه، أنا حعلم الناس؟".
 
 
 
وتابعت :" في واحدة بتطلع على السوشيال ميديا، وتقول حنتكلم عن وفاء مكي عايشة ولّا ميتة عشان تعمل تريند، محجبة وتافهة،  أنا دلوقت اختلفت عن الأول، مبردش وبشتري دماغي".
 
وأكملت مكي :" ابني بيدخل على يوتيوب وبيعرف، أنا مش قضية مخلة بالشرف، وبقول له متثقش في الكلام ده، ولو كنت مشيت على منهجي دلوقتي زمان كانت حاجات كتيرة إتغيرت في حياتي، يمكن  ربنا عمل كده لحكمة يعلمها، أنقذني من حاجة تانية".
 
وأشارت إلى أن الإنسان مسير مش مخير ولا يخطو قدم عن قدم إلا بإذن الله، معقبة :" من وأنا في بطن أمي ربنا كتب لي كده .. أنا في المحاكمة كنت رافعة راسي علشان أنا معملتش حاجة غلط "
 
وواصلت مكي :" أنا ليا الشرف إني ما دخلتش السجن بسبب قضية مخلة بالشرف كويس إن محدش لفق لي قضية مخلة بالشرف ".
 
 
 
وعن دخولها السجن بسبب  تعذيب الخادمات، قالت :"  حد شافني وأنا بعذبها؟ ، يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين"
 
وفي سياق متصل، كشفت حقيقة  ارتدائها الحجاب في وقت من الأوقات، موضحة إنها ارتدت الحجاب لاستضافتها في أحد البرامج الدينية في وقت سابق وكان لا بد من ظهورها بالحجاب، معقبة :"  لبست الحجاب عشان استضافوني في برنامج ديني وكنت بصور في مصر الجديدة  وقالولي مينفعش تطلعي بشعرك ورحت اشتريت ايشارب على حسابي".
 
 
 
وعن دورها في فيلم لحم رخيص قالت، مشعرتش بالخجل من دوري في الفيلم  ومطلعتش عريانة.كنت لابسة قميص وروب، والمفروض نناقش قضية من قضايا المجتمع المصري ونسلط الضوء عليها.. والمفروض إن احنا كنا بنتكلم عن زواج المصريات من الأجانب".