قدم الرئيس عبد الفتاح السيسي، التهنئة لأسر الطلاب الخريجين من الكليات والمعاهد العسكرية .
وقال السيسي خلال كلمته في حفل تخرج دفعة جديدة من طلاب الكليات العسكرية، اليوم الإثنين، إنه "بقدم التهنئة للأسر وبقول مبروك بعد فترة طويلة من البناء والإعداد ثم أثناء فترة الكلية بكل ما تحمله من جهد وبذل".
 
وتابع :"دى مرحلة جديدة للطلاب والضباط .. مرحلة جديدة خالص.. هتكونوا مسئولين عن رجال معكم والمسئولية عن أنفسكم.. ودى مهمة كبيرة جدا ومسئولية كبيرة.. مسئول عن إعداد وتجهيز وتوعية.. تستغرب وتقولي "توعية".. طبعا التوعية.. بيجى ابن من أبناء مصر يعقد في الجيش سنة ولا اتنين ولا تلاتة.. وبالتالي مسئولين أمام ربنا والشعب المصرى أن نجهزه ونخلى بالنا منهم ونعدهم الإعداد الجيد".
 
وقال السيسي للخريجين :"مهمة خطيرة جدا إنك تبقى مسؤول عن إعداد إنسان، لو ما انتبهتش حياته تبقا في خطر..الوعي علشان تقدر توعي غيرك لازم إنت تكون واعي قوى، مش مطلوب منك انك متبقاش منتبه لكل شيء وقراءاتك علشان كمان تبقا فاهم كويس وعلشان تقوم بالدور ده على كافة المستويات".
 
وأضاف  "الحروب الجديدة والجيل الرابع والخامس كلها مبنية على التعامل مش بالسلاح بس، لكن السلاح التاني هو الفهم الوعي الحقيقي بعيدا عن الجهل والوعي الزائف".
 
وتابع السيسي"بذلنا جهدا معاكم ككلية وقوات مسلحة لكل الخريجين والخريجات، لكن انتم كمان تكملوا تأهيلكم وإعدادكم لأنفسكم بالإضافة الى تأهيل القوات المسلحة والشرطة".