أكد  الرئيس عبد الفتاح السيسي، أن الدولة تعيد ترتيب الدعم ولن تلغيه .
 
وقال  السيسي خلال كلمته في افتتاح مشاريع سكنية بمدينة بدر، اليوم السبت،  تعليقا على قضية الدعم وإعادة صياغته : "كنت اسمع كلام كتير السنين اللى فاتت فى التلفزيون وأقرأ كلام كتير عن الشأن العام فى مصر ولكن هناك فرق بين التنظير وحل المسألة، واللى إحنا فيه دا حل المسألة واللى قبلنا ما حلوش المسألة ليه.. عشان كدا لما أتكلم فى قضايا زى إعادة صياغة الدعم الناس بتندهش.. وبتقولى ما أنت ماشى كويس والناس بتحبك.. بتعمل كدا ليه.
 
وأضاف الرئيس: إحنا بنعمل كدا عشان نغير بلدنا مش عشان الناس تحبنا، وبنعمل اللى يرضى ربنا، ونتصدى لقضايا كل الناس لا تتصدى لها.. ومفيش حاجة اسمها ماليش دعوة.. وعشان نقدر نكمل الموضوع كويس لازم نعيد ترتيب وصياغه دعمنا للناس".
 
وتابع :" دعمنا فى السنة 275 مليار جنيه، يعنى فى 10 سنوات، 2 تريليون وثلاثة أرباع التريليون، وربما يصل الرقم لـ 3 تريليون جنيه.. طيب تطوير الريف المصري من صرف صحي وكهرباء وتبيطن ترع وصحة تعليم تصل لـ 700 و800 مليار جنيه في 3 سنوات.. إحنا لما تولينا المسئولية كان يوجد 12% فقط من الصرف الصحى في الريف، وخلال الـ 7 سنوات الماضية وصلنا لتنفيذ 40%".