عقب الرئيس عبد الفتاح السيسي، على الزيادة المرتقبة لسعر رغيف العيش.
 
وقال السيسي خلال كلمته في افتتاح عدد من المشاريع السكنية بمدينة بدر، اليوم السبت، إن :"الناس استغربت لما اتكلمت في رغيف العيش.. خلال الـ 50 سنة اللى فاتوا اتعملت منظومات كتير.. كانت مرتبة على ظروف وأوضاع موجودة في الوقت ده.. الظروف ده مش ممكن نستمر أو نقبل أنها تستمر كده على طول".
 
وتابع الرئيس :"هديكم مثال.. رغيف العيش لما زاد من قرشين إلى 5 قروش كان بيتكلف 18 قرشا.. ولما بقى 5 صاغ دلوقتى بيكلف 65 قرشا.. طب هو دخل الفرد في 2011 كان أقل من 400 و500 جنيه ووصل إلى أكثر من ألفين جنيه وفق الحد الأدنى للمرتبات.
 
وواصل : "ارتفاع الأسعار يتم مجابته بتحسين أحوال الناس.. مش انفاق بس.. ضبط نمو سكانى.. المبلغ اللى كان بيصرف على 5 مش هينفع على 10 و15.. حجم النمو السكانى اللى زاد كان أكبر من طاقة الانفاق.. وقيمة الجنيه مش زى قيمة الجنيه من 100 سنة".
وأكمل "بيقولوا ما انت ماشي كويس والناس كلها بتحبك.. إحنا بنعمل كده عشان بلدنا مش عشان الناس تحبنا، إحنا بنعمل اللي يرضي ربنا سبحانه وتعالى".
وقال الرئيس: "أنا مش هلغي الدعم متخافوش، إنما هنعيد تنظيمه، وأنا بتصدى للقضايا مثلما تصديت للمناطق العشوائية، لازم أرتب ورق البلد دي حتى تكون دولة ذات شأن، أنا بختار الطريق الصعب، الطريق السهل إني اسكت، عندي ماكلش وأعيش بشكل آدمي ومحترم".
 
ونوه إلى  أن قيمة الدعم سنويا تصل إلى 275 مليار جنيه تقريبا، أي نحو 3 تريليونات على مدى 10 سنوات، لافتًا إلى أن المبلغ المطلوب لتطوير الريف المصري يكلف 800 مليار جنيه في 3 سنوات، معقبًا: "ارجو تربطوا الكلام مع بعضه".
 
ووصل الرئيس عبدالفتاح السيسي، صباح اليوم السبت، إلى مدينة بدر لافتتاح عدد من المشروعات السكنية المتنوعة، وكان في استقباله رئيس الوزراء الدكتور مصطفى مدبولي والفريق أول محمد زكى القائد العام للقوات المسلحة وزير الدفاع والإنتاج الحربى ووزير الإسكان الدكتور عاصم الجزار.
 
وتشهد مدينة بدر، تنفيذ أول مشروع سكني لموظفي العاصمة الإدارية الجديدة، والتي تقع علي بعد 10 دقائق فقط من الحي الحكومي بالعاصمة الإدارية، والمقرر تسليمها لموظفي الوزارات التي وقع عليهم الاختيار كمرحلة أولي للانتقال للعاصمة الإدارية الجديدة