شن الشاعر الغنائي أمير طعيمه هجوم حاد على وسائل الإعلام وبعض الجماهير التي أشعلت أزمة لاعب المنتخب الوطني "عمرو وردة "مع عارضة الأزياء المصرية المقيمة في "دبي" والتي تدعى ماريهان.
وزعمت ماريهان أن "وردة" وعدد آخر من اللاعبين تحرشوا بها لفظيًا بعد تعليقاتهم على صورها على تطبيق "انستجرام"، إلا أن بعد نشر التعليقات بالكامل تبين أن ما حدث لم يكن تحرش على الإطلاق وإنما مجرد فرقعة إعلامية من العارضة.
وقال أمير عبر حسابه الرسمي على موقع التواصل الاجتماعي "فيس بوك": "لما تشوف بروفايل البنت عارضة الأزياء و هي حرة علي فكرة، و تصدق ان جرح مشاعرها قوي ان لاعب بعتلها boxing و التاني حط قلب يبقي انت مندفع و غير واقعي، طب خليني معاك هل جرحها كمان ان لاعب فتح الاستوري بتاعها فقط من غير ما يعلق عشان تزقه معاهم و تشهر بيه، و لا المفروض تفهم ان هي فرحانة باللي حصل و شافتها فرصة تلم كام لايك .. هل انت متخيل انها كانت حزينة علي المنتخب و علي انشغال اللاعبين عن البطولة و هي بتعمل الاسكرين شوت و بتنزله و الدمعة علي خدها من الجرح النفسي الرهيب اللي حصلها".
وتابع "اما السادة الصحفيين استخدام لفظ تحرش مع الموقف التافهة ده فيه مبالغة، ما بقولكش طرمخ علي الموضوع بس مش وقت مبالغات و اللي حصل لا ينطبق عليه لفظ تحرش خالص و لا حتي تحرش لفظي، و لو فتح الاستوري او وضع قلب او حتي محاولة فتح الكلام تحرش يبقي احنا بيحصل لنا اغتصاب جماعي يومي علي كده، ما تكبروش الموضوع و الامر يخص الجهاز الفني و الاداري هو اللي ياخد القرار الأنسب و اللي فيه مصلحة المنتخب".
وأضاف "اما عمرو وردة بالذات فتصرفك تصرف مراهقين و لا يليق بلاعب دولي و هتشيل الليلة لو حصل أي تعثر للمنتخب لا قدر الله، و غير كل ده بصراحة ذوقك وحش، و اخيرا بلاش لايكات يا جماعة لصفحة البنت و ما تقعوش في الفخ الساذج ده".